* Taas og fibers – ang prutas nga sama sa pinya, taas kini og fiber nga mopamenus sa risgo sa colon kanser (colorectal).
Maingon man, mopamintin kini sa normal nga lebel sa glucose, ilabi na niadtong gi-diabtes-2, himuon niining normal ang ang lebel sa bloodsugar, lipid ug insulin.
Makatabang sab ang pinya, nga malikayan ang konstipasyon o naglisud sa pagpagawas sa hugaw, ug ayuhon kanunay ang trabaho sa ‘digestive system’.
* Makapabaskog sa seks – Sa mga pagtuon, ang antioxidant sama sa vitamin-C, makatabang sa pagpadaghan sa prodaksyon sa bihod (fertility).
Kay luyahon sa free radikals ang atong gana sa pagseks, nga inutilon atong mga bihod.
* Proteksyon sa kasingkasing – Ang pinya, maoy mopangga sa atong kasingkasing, nga kanunay palig-onon ang emosyon ug ang kaakohan ini sa kahimsog sa panglawas.
Ang fiber, potassium ug vitamin-C, kinakusgan na kini nga depensa sa kasingkasing. Hasta sa undanon nga masol nato, proteksyon kini nga dili mawala ang masol nga maoy nagpalig-on sa atong lawas nga kusgan.
Makatabang sab kini nga malimpyo ang kidney ug palig-onan ang kabukogan.
* Pagsanta batok sa hubak – Ang pinya nga nagbatog ‘beta carotene’, mopahinay kini sa risgo nga anamon pagsanta ang hubak.
Ang mga toksins, kakulang sa nutrisyon, polusyon, abuso sa tambal nga antibiotics, ug grabeng stress, maoy mga naglabing hinungdan sa hubak. Nga ang pinya daku nag maihatag nga tabang niining partikular nga kaso.
* Pahimsog sa hunahuna – Ang pinya mopahimsog sa atong kabuot (mood) ug moaway batok sa depresyon ug kabalaka.
Kinamaayohang tinubdan ni sa amino acids nga trypthophan, nga moprodyus og daghang serotonin (happy hormones).