Dunay mga higayon nga malisod alang nato ang pagtabang gumikan sa atong moral nga baruganan. Dunay mga higayon nga ang tawo kang kansang kahimtang naglunang sa pagpakasala ug salawayong kinabuhi. Pananglit moabot ang panahon nga kinahanglanon kaayo niya ang atong tabang nagpasabot ba kini nga maglikay kita kay nahadlok kitang ma-identify ning tawhana o bayhana? Sa ato pa na-develop nato ang phobia tungod kay ang atong moral nga baruganan nagtudlo nato nga kinahanglang limpiyo kita ug halayo sa bisan unsang salawayon. Aron mamahimong mas objective ang pagtabang ato unang huboon ang giisip natong limpiyo dili tungod kay magpakahugaw kita kondili tungod kay sama sa atong giidolo nga Ginoo nga mihikap sa kinabuhi sa mga makasasala mahimong mas makahuloganon ug puno sa kinabuhi ang atong pag-ampo.