Ang olive oil, moatiman sa kahimsog sa seksuwal nga aktibidades.
Nakaandam sa tanang higayon nga patuyhakon ang kahigal sa pagkalalake.
Kini sab ang mopaluag nga pahapsayon sa kasayon ang sirkulasyon, nga makasuotsuot sa tanang parte sa atong organ o lawas, aron ikapahungaw ang kahinam sa seks.
Ilabi na sab nga pabaskogon niini ang trabaho sa kasingkasing, diin mga pinong kaugatan (aortic dilatation), hamugaway nga makaabag sa paglahutay sa pakigseks nga dili gyud maugtas sa kakapoy, sa sige ini og hinandusay.
Si Myke Hylbie, usa sa sakop sa nagpalambo sa produksyon sa Viagra niadtong 1990, niya pa, nga ang mensahe nga aron pagsiguro sa lahutay nga epekto sa pakighilawas, gikinahanglan ang pagbag-o sa estilo o lifestyle diet, nga mao ni ang usa sa angay nga sagupon, sa diyeta nga kanunay mokonsumo og olive oil.
Tungod sa 80% sa pagkainutil sa pakighilawas mao ang sakit sa kasingkasing, adunay dakung purohan nga mabalik sa kabatan-on ang kaagresibo sa pakighilawas uban sa pinangga natong kapikas sa kinabuhi, nga pirme na sab kini mabisbisan sa sustansya sa kauhaw, ang pagsinaw-anay sa di ikapangagda nga makalipay.
Unsa ba gayud ang detalye ining ‘Mediterranean diet’? – komon kini sa Uropa, nga sa ilang pagdiyeta, menus ang karne, daghan ang isda, apil kanunay ang olive oil o butter ug daghan sab nga nagkalainlaing prutas, maingon man sab sa mga utanon.
Mao ni mga kinaham sa panahon sa ilang tingkaon.
Diin naandan nila ang pagkonsumo nga ingon ini – nga igo na ang kaupat o labaw pa sa usa ka semana, dili sab molapas sa katulo ka tipik sa ginagmay nga hiwa sa karne, ug tulo ka dalit sa prutas ug utanon, kada adlaw lakip ang olive oil.