Dear Atty. Divine,
Minyo ko sud na sa lima ka tuig og wa pa mi anak. Ang akong asawa nagtrabaho abroad og mouli siya once a year lang. Lately, nagkita mi sa high school friend sa akong wife ug siya ang misulti nako nga naay love child ang akong wife sa iyang kanhi boyfriend sa college ug iya kining gitago nako og wa gyud ko niya sultii. Nasakitan ko og nainsulto ko sa iyang gibuhat ug sa dihang ako siyang gipangutana niini iya kining giangkon ug ang bata naa karon sa iyang mama. Tungod niini, nag-away mi sa akong asawa ug hangtud karon wa gyud magkabalik ang among maayong kabubut-on. Gani nakahunahuna ko nga makigbuwag nalang kaniya. Ang akong pangutana kon mamahimo bang kabasihan sa annulment ang pagtago sa akong asawa nga naa diay siyay anak sa laing lalaki sa iyang pagkadalaga? Daghang salamat.—Lino
Dear Lino,
Basi sa Article 46 sa atong Family Code, upat lang ka circumstances nga makonsider kining ground sa annulment of marriage, kini tungod sa nahitabong fraud nga naglakip sa non-disclosure nga dunay previous conviction by final judgment diay ang kapikas sa usa ka kaso nga naglambigit og moral turpitude; ikaduha, ang wa pagtug-an sa asawa nga buntis diay siya sa laing lalaki atol sa ilang kasal; ikatulo, ang wa pagtug-an nga aduna diay sexually transmitted disease ang kapikas; ug ang ikaupat, ang pagtago sa drug addiction, alcoholism, homosexuality ug lesbianism sa kapikas. Sa imo nga kaso, ang love child sa imong asawa nahimugso ayha pa mo naminyo, so dili kini makonsiderar nga Fraud ug dili kini kabasihan sa annulment. Thanks and God bless. — Atty. Divine
* * *
Alang sa inyong pangutana ipadala lang sa Legal Corner sa Banat News or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.