Si Cardinal Martini ang nipahinumdom kanato nga kon dunay kinahanglang lig-onon sa atong kinabuhing Kristohanon, ang kinabuhi gyud sa pag-ampo. Kini naglambigit ning mosunod:
1. Debosyon diin anaa ang tim-os nga pagtahod sa Dios ug ato kining gipakita diha sa atong buhat ug mga lihok diha sa pag-ampo.
2. Panahon nga bisan kon dunay mga kalihukan padayon gihapon kitang mogahin og panahon sa atong pakigkukabildo sa atong Ginoo.
3. Pagbati diin atong gibutang ang atong emosyon aron mahimong mas personal ang kasinatian sa pag-ampo.
Lisud man tuod kini kay nagkinahanglan kini og disiplina apan dili imposible.