* Eucalyptus — Lain nga compound nga angay pangitaon sa produkto sa ‘toothpaste nga may ingrediyente nga eucalyptus, kon gusto ka nga kanunay himsog ang lagos mo.
Kon wala kay makita niini, ayaw pag-usap og mga dahon sa eucalyptus. Mahimo na ang ‘eucalyptus essential oil’ maoy ilimugmog.
Nagkinahanglan lang og 1-2 ka kutsarita sa ininit nga tubig nga butangan og -1-2 ka tulo (drops) sa eucalyptus oil, dayon ilimugmog kini. Buhata ni katulo sa usa ka adlaw, hangtud nga mohimsog pagbalik ang lagos.
* Vitamin- C — Mas makaayo ang natural nga vitamin-C (abscorbate dili abscorbic acid). Mao ni ang dali nga remedyo sa sip-on, o hilanat, gumikan sa kahuyang sa imyun nga ang vitamin-C, usa ka ‘immune booster’.
Mao sab ni ang gamiton sa lagos nga nikupos (gingival recession), para maulian nga maundanon ang mga lagos nga nagkanipis nga nanglutaw na ang mga ngipon ibabaw sa apapangig.
Mahimo mokonsumo’g presko nga berding utanon ug mga citrus nga prutas, nga mas maayong dili lutoon aron dili momenos ang vitamin-C. Pwede sab i-blender, o mag-smoothie. Maayo sab magminten og herbal vitamin-C supplement, para maminten ang lagos mohimsog.
* Lemongrass (tangad o tanglad) — Ang ‘lemongrass essential oil’, nagbaton og ‘antifungal ug antiseptic’ pagsanta sa mga bakterya sa baba ug anti-inflammatory sa lagos.
Mahimo sab magpabukal og 2-3 ka saha (stems) sa tangad, dayon ilimugmog kini sa igong maagwantang kainit. Daghan pa nga mga natural nga remedyo niini.
Basta, ampingi nga sa pag-inom, nga dili maugtas ang lagos, kay nabun-og nga pirme masubhan sa grabeng kainit, o kabugnaw, kay lagos mokyugpos.