Karon nga duna ka na’y ideya sa kadaot sa atong lagos, ania usab ang natural nga remedyo niini, nga mahimo ra sa imong kaugalingon. Nagkinahanglan lang og simpleng herbs ug lamas, sama sa mga mosunod;
* Greentea – Naila na kini nga nagbaton og daghang benepisyo sa kahimsog sa panglawas. Dasok kini sa mga antioxidants nga moaway batok sa makadaot sa lawas, nga usa sab sa nakaingon sa pagkasakit sa lagos.
Ang greentea mopabalik sa koneksyon nga palig-onon ang ngipon ug lagos. Unsaon ni paggamit – moinom kada buntag og tsa nga greentea, usa ka tasa kada adlaw.
* Aloe vera – Ang laing ingrediyente nga makatabang sa problema sa lagos. Tinubdan gihapon kini sa daghang benepisyo nga pahimsog sa panglawas, nga sagad gigamit para sa panit. Nagbaton kini’g katakus sa pag-alibyo, pangontra batok sa implamasyon. Sa kaso sa lagos nga naimpeksyon, mga bakterya puohon ug ibalik nga buhion ang mga maayong selyula. Mosanta sab ni sa laing impeksyon.
Unsaon ni paggamit – may duha kini ka paagi. Ang una, kuhai sa lapot nga unod sa aloevera (gel) nga ilimugmog kini ug ang para sa manutbras.
Human nga nakahingiki na gamit ang ‘dental floss’, ug nanutbras na, mobalik nga manutbras og usab nga butangan ang toothbrush og lapot sa unod (aloe vera gel), nga aron makatuhop sa lagos, dila, ngipon ug alingagngagan.
Unya, pataudtauri og 3-5 ka minutos, inighuman hugasi og maayo ang baba, o maglimugmog og tubig. Ang sunod nga paagi, kada human og panutbras, nga ang lapot (gel) sagola’g diotay’ng tubig nga igo lang mobasa sa ngipon ug lagos, nga sa makadiyot pasagdan nga makatuhop.