Dear Atty. Divine,
Ang akong lola adunay farm land sa probinsya. Tulo ang iyang anak, apil na ang akong mama. Apan wa nila mabahin ang property sa mga igsuon sa akong mama pagkamatay ni Lola.
Last month namatay ang akong mama. Medesisyon ang mga igsuon sa akong mama nga ila na lang ibaligya ang maong property.
Ang akong pangutana kon entitled pa ba og share ang akong mama bisan kon siya patay na? Mahimo ba nga ako maoy mo-claim sa maong share? Daghang salamat. — Jessa
Dear Jessa,
Base sa balaod, sa dihang namatay ang imong Lola, ang property nga iyang gibilin na transmitted na ngadto sa iyang mga compulsory heirs, nga mao ang iyang tulo ka anak, apil ang imong mama. Apan tungod kay wa kini ma-subdivide, so silang tulo makonsiderar nga co-owners sa property. Busa entitled gihapon og share ang imong mama bisan kon siya patay na, ug kamo nga iyang mga anak maoy mo-claim sa iyang share.
Kon ikaw ra ang anak sa imong mama, then solo nimong dawaton ang iyang share, apan kon duna kay mga igsuon, bahinon kini ninyo in equal share. Busa kon ibaligya ang maong property, apil kamo nga mopirma sa dokumento niini ug ang halin bahinon og katulo, ug kamo ang modawat sa share sa inyong inahan nga namatay na. Thanks and God bless. — Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.