Ang tipo sa dugo (blood type), nagdepende sa presensya sa mga ‘antigens’ diha sa dugo nga pula. Mahimo nga kini protina, carbohydrates, glucoprotein, o glycolipids.
Adunay upat ka tipo sa dugo. Kini mao ang A, B, AB ug O. Daghang pagtuon, o pagdukiduki, nga nagmatuod sa kabililhon sa tipo sa dugo, kay usa sab ni sa indikasyon nga maila niini ang kinaiya (characteristic) o kahimtang sa panglawas.
Sa usa ka bag-ohay lang nga pagdukiduki, nagpakita nga ang tipo sa dugo, makaapektar kini sa paagi nga kon unsa kita nakabantang sa lainlaing matang sa sakit, sa kahimtang sa lawas ug maingon man ang nabatonan nga kaayohan niini.
* Ang dugo nga tipo-A — Ang tawo nga nagbaton niining tipoha, makonsiderar nga taas og risgo sa ‘stomach cancer’ (kanser sa estomago), ilabi na sa mga babaye nga palainom og alcohol ug hinigarilyo. Ang babayeng tipo-A ang dugo, hinay kaayo ang pamihod (fertility), apan sagad sab nila nga samtang nagkaedad mahimo pa nga momabdos o manganak.
* Ang dugo nga tipo-B — Ang tawo nga dunay tipo niini, mas taas sab ang risgo sa ‘pancreas cancer’. Madali ra maapektohan sa stress, o mga problema sa memorya ug panghunahuna, malimtanon (parkinsons/dementia) o pagkaango-ango (alzheimers), labi na kon magkaedad na.
Gituohan sab nga kining tipoha, hinay kaayo, o luya ang sistema niya sa imyun, dili makasugakod pagpiog nga madepensahan ang lawas batok sa pagkasakit.Wala’y igong kusog o enerhiya, nga makontrol dayon ang implamasyon ug ulcers.
Apan sagad sab nila, paspas o buhi ang metabolismo. Kon aktibo ang lawas sama sa pag-ehersisyo, dali ra maundanon ug mohimsog ang lawas. (Sumpayan)