Segun sa nadiskubrehan, ang mga nahibiling inpormasyon nga nasulod nianang adlawa, maoy permanente nga mahinumdoman.
Ang ubang teyoriya, sama sa ‘the spacing effect’ nga gibase sa mas sayon nga pagkat-on, ilang gitun-an ang inpormasyon pinaagi sa makadaghan nga pagsubli-subli niini.
Sama pananglitan sa magtuon og pakigpulong, kon kanunay nimo ni nga balikbalikon sa semana sa dili pa moabot ang okasyon, makaseguro ka nga nakapatik kini sa imong memorya, aron nga sayon na lang nimo mahinumdoman.
Mas komportable kini kaysa himuon lang sa gabii, una moabot ang adlaw nga himoon na ang pakigpulong. Ania ang pagpasabot sa ‘spaced repetition technique’:
* Unang pagsubli buhaton kini diha-diha human sa pagkat-on.
* Ikaduhang pagsubli buhaton kini human sa 15-20 minutos.
* Ikatulong pagsubli buhaton kini human sa 6-8 ka oras.
* Ikaupat nga pagsubli buhaton kini human sa 24 ka oras.
Kon problema gihapon nga maglisud sa paghinumdom, basta sa kaugalingon pagmugna nga wa’y lista o sumbanan, ania ang sekreto nga makatabang niini.
(1). Aron maka-hinumdom pagbalik sa inpormasyon gikan sa memorya, nagkinahanglan nga imo una nga sabton ug nga ihan-ay ang unsa’y imong nasabtan ug nakat-onan nimo.
(2) Ilista ang prayoridad ug memoryaha pag-una ang mga labing importante nga puntos.