Pagpamalandong sa Malangkubong kaayohan
Daghan nato ang buot mamahimong malipayon ug buot natong tagamtamon ang pangindahay nga magmalipayon taliwala sa gubot nga kalibutan. Anaa ang kahinam sa tanan natong gipangita apan daghanan nato nga sa pagpangita sa kalipay nga matuod ang nasaag sa kalipay nga dalikyat ug bakakon. Nahimo kitang nalansang niini sa pagtuo nga ang maong kalipay matuod. Apan sa kaulahian diha pa kita nasayod nga nahimong bukog sa tutonlan ang tanan. Mao nga hilom ug pamalandong. Pangutan-a ang kaugalingon kun sa gibuhat nga panaw nga kulbahinam nabatonan mo ba ang katagbawan?