Giingon dinhi, atong kutloon: “Lawmakers must be so desperate for revenues that they want to tax everything. “ Literally, atong masabut nga desperado na kaayo ang mga magbabalaod.
Tapos pagpahamtang og buhis sa mga mainom nga tam-is, sama sa mga soft drinks ug ubang matang sa beverages, gitawag og sugar tax, karon ang ang atong magbabalaud naglaraw pagpahamtang og buhis sa mga inasinan nga makaon, gitawag og “asin” tax. Lagmit, kay parat man, buhisan na ang buwad ug ginamos.
Apan, ang pagbuhis sa mga salted products, alang kini sa pahimsog sa lawas, for health reasons. “Salt is a silent killer, as its consumption has correlation with high blood pressure, which consequently leads to increase risks of having a heart attack or stroke,” nagkanayon si Rep. Scott Davies Lanete sa Masbate, ang proponent ning maong balaudnon.
Tinuod sad hinuon, grabe nga maka-high blood ang parat. Ang pagpahamtang og buhis ning maong makaon maka-discourage o makapugong pagkaon niini. Mao usab kini ang gihimo sa ubang kanasuran, “to deter people from consuming salted products, and to pressure them to adopt a healthier diet.”
OK lang. Ang mga nasud nga nagpahamtang og buhis sa inasinan nga mga produkto, naglakip sa Vietnem, Cambodia, Sri Lanka, Panama, Morroco, Kenya, Jordan, Uganda, Tanzania, ug Suriname.
So, sunod ‘ta, gawas nga makahipos kita’g dugang revenue, atong ma-maintain ang maayong panglawas sa katawhan, labi na niadtong himarat kaayo.
* * *
Bitaw, eksakto si Mayor Tom. Kun tumanon gyud strictly ang Children’s Safety on Motorcyces Act of 2015, daghang mga bata nga nagtungha na ang maglisud na pagtambong sa klase, o pirme nang ma-late.
Labi na sa mga mountain barangays, ang ilang gisaligan nga kasakyan mao ang mga motorsiklo, lakip na niini ang paghatud sa ilang mga anak ngadto sa mga tunghaan. Ang susamang city ordinance, specific kaayo ang kamandoan nga nagdili pagpaangkas sa bata nga nagpanuigon og 7 paubos. Sa ato pa, school age na.
Bisan kun nahimo na kining balaud, mura’g nagkinahanglan pa kini og dugang pagtuon ug pag-review. Maghimo’g mga amendment o mga exceptions.
Ug bahin sa Anti-Distracted Driving Act, mga amigo nakong mga driver, mibutyag nga ang pirmeng maka-distract kanila, samtang nag-drive mao ang mga puti og paa nga nagpakigol-kigol sa kadalanan.
Unta, i-ban usab kini sa mga public places. Mas grabe pa kining maka-distract kay sa mga cellphone.
Bitaw, ask any driver, makalingi gyud ka.