Usa lang ang hinungdan ... ang tinguha nga mag-ampo. Kini tungod kay sa kinabuhi lisud na kun wa ang spiritual source nga naghatag og kusog ug kalig-on sa matag usa nato. Daghan sa mga higayon nga bation nato ang kalibog, kakapoy, ang kahikurat ug kasagmuyo. Mao nga sa di pa kita mohimo og mga lakang o desisyon mas mahinungdanon kaayo nga magmatngon kita sa atong pagahimoon. Malisud na kun mahitumpawak kita sa dakong lagapak sa kawalay igong kapaingnan. Usa ra ang rason nganong mag-ampo ang tawo. Mamasin nga dunggon siya sa Ginoo ug paminawon ang iyang yangungo inubanan ang pangindahay nga mamahimong lunsay ug bag-o ang tanan.