Dear Atty. Divine,
May anak ko sa pagka dalaga nga three-year old na. Gi-acknowledge ang maong bata sa iyang amahan, apan sukad ko naminyo wa na mosuporta ang amahan sa akong illegitimate nga anak hinungdan nga ang akong bana ang nagsuporta sa tanan namo nga panginahanglan. Wa pa mi anak karon sa akong bana ug gusto niya nga sagupon ang akong illegitimate nga anak kay siya man sab ang giisip nga papa niini. Ang akong pangutana, mahimo ba nga sagupon sa akong bana ang bata nga dili pahibaw-on ang amahan niini? Unsay maayo namo nga buhaton aron matuman ang adoption? Daghang salamat. —Leoncia
Dear Leoncia,
Mahimong sagupon ang illegitimate nimo nga child sa imong bana base sa Republic Act 8552, kon Domestic Adoption Act of 1998. Kun mauyunan kini sa korte, then ang imong anak makonsiderar na nga legitimate nga anak sa imong bana ug mahimo na kining mogamit sa iyang apelyido. Apan kinahanglan gyud nga imong pahibaw-on ang matuod nga amahan sa bata labot sa maong adoption kay magkinahanglan man ikaw sa iyang consent, kon pagtugot gikan kaniya. Base sa desisyon sa Korte Suprema nga kinahanglan gyud ang consent sa biological parents sa bata aron sa pagprotiher usab sa katungod sa mga matuod nga ginikanan. Matud sa Korte Suprema: “x x x The general requirement of consent and notice to the natural parents is intended to protect the natural parental relationship from unwarranted interference by interlopers, and to insure the opportunity to safeguard the best interests of the child in the manner of the proposed adoption. Clearly, the written consent of the biological parents is indispensable for the validity of a decree of adoption. Indeed, the natural right of a parent to his child requires that his consent must be obtained before his parental rights and duties may be terminated and re-established in adoptive parents. x x x” (Landingin vs Republic of the Philippines, G.R. No. 164948, June 27, 2006). Busa, kun imong makuha ang iyang pagtugot, then mahimo na ninyong ipasaka sa korte ang inyong Petition for Adoption. Thanks and God Bless! - Atty. Divine