Nobiyembre 13, 2016: Ikakatloag-tulo nga Domingo sulod sa tuig
Mga Pagbasa: Mal. 3;19-20a/Sal. 98/2 Tes. 3;7-12/Lk. 21;5-19
Sa dili madugay, saulogon na pud ang Cristo Rey dayon ang Unang Domingo sa Adbiyento diin mosulod na kita sa laing tuig liturhiko sa atong simbahan. Ug kasagaran sa mga pagbasa ang maghisgot man gyud sa katapusan sa kalibutan kuyog niini ang mga pagpanglutos, kalisdanan, ingon man katalagman. Mahimong ang tawo mahadlok, malisang, o dili ba kaha mamahimong daw sa wala lang. Tinuod matapus ang kalibutan ingon man kitang mga tawo. Kanus-a ni mahitabo wala ta masayud sanglit ang takna nga iya sa Dios lahi ra man sa takna nga gilatid alang nato. Nunot ning maong kamatuoran kalabot sa katapusan sa kalibutan, mas mahinungdanon nga atong gambalayon ang kultura sa paglaum uban ang dakong pagtuo nga luyo ning maong mga makalilisang mga hitabo sa kinabuhi…. Ang Dios dunay giandam nga mas hingpit pa kaysa atong nahuptan karong mga panahona.