Dunay usa ka higala ang nangutana kun unsaon man niya paglingkawas sa iyang suliran. Ang iyang suliran mao nga nahadlok siya sa umaabot ug tungod niini malisud alang niya ang pagkatulog. Daw sama siya sa na-depressed nga tawo. Ako siyang giingnan nga mas maayo nga imong hunahunaon una ang kasamtangan ug dili ang ugma. Ang ugma moabot lang kana ug ang pag-abot niana mag-agad man sa atong gihimong pagpili sa kasamtangan. It will just come to pass matud ko kay walay tawo nga wa moagi og kalibog ug hinumdomi ang kalibog maoy makapahimo usahay sa tawo nga mas mohamtong pa sa iyang pagtuo.