Sumpay sa ika-6 ka adlaw nga tulomanon, nga sa mga pagkaon mo, ayaw kalimot sa pag-inom og dagha'ng tubig ug pag-ehersisyo sa tana'ng lihok o istilo.
Sa ika-7 ka adlaw — Sa pamahaw pwede sinugba/tinola nga manok o itik, nga may sinugbang kamatis o pinaalisngawang 'spinach'. Sa snaks, kao'g mga mani o liso sa pakwan ug 'steamed' broccoli'. Mag-'aerobic' ehersisyo (paugnat nga dili pakusog) aron mopakusog kini sa metabolismo nga pagamyon ang tiyan.
Sa ika-8 ka adlaw —Likayan sa pamahaw ang menus sa nutrens nga pagkaon. Pwede tibuok pan nga 'wheatbread' nga parisan o palamana'g linuto sa puti sa itlog nga may sagol pino'ng karne ug dahon sa utanon. Inom 10-12 ka baso nga tubig. Mga prutas nga isawsaw sa yogurt o uba'ng makahimsog nga snaks. Pwede pangaligo o paglangoy, gawas sa regular nga ehersisyo mo.
Sa ika-9 ka adlaw — Mag-'vegetarian' ka karong adlawa. Mao'y kaona ang mga utanon, lagutmon ug prutas, nga pulos menus sa kaloriya. Aron gyud masiksik ang sistima sa pagtunaw sa nadepositong mga tambok sa tiyan. Iapil ang mas lanuton nga utanon (fibrous veggie). Maglakaw di momenus sa 40 mins. Pwede mag-ehersyo'g 'sit-ups' o paglangoy o mga 'aerobic exercises'.
Sa ika-10 ka adlaw — sa pamahaw iapil ang 'wholegrain' (wheat, oats, brown rice, corn, etc) nga pagkaon. Ipadayon ang 'lowfat high fiber' nga pang-snaks.
Mao'y imintin ang mga pagkaong menus sa asukar ug 'carbohydrates' ug init nga sabaw, aron sa hangtud nga permi na mogamay ang tiyan nimo.
Mao kini ang simple o natural nga paagi sa pagpagamay sa dako'g tiyan, nga moepekto lang, kun seryoso nga may higpit nga disiplina sa kugalingon nga mosakripisyo sa pagsunod niining yano nga tulomanong pagpahiyos sa tiyan. Sa laktod, kontrol ra gyud sa paghusto sa pagkaon ug kanunay mag-ehersisyo.