Padung ko sa University of San Carlos kay lagi klase man. Dili ikalimod hapit na gyud ang Sinulog ingon man ang Kasaulogan sa Balaang Bata. Daw sa manlimbawot ang akong balahibo sa matag higayon nga madungog ko ang Gozos alang sa Balaang Senyor. Matag Sugbuanon ang dili gyud makalimot sa Balaang Bata. Sa akong pagpamalandong pulong Bato Balani ako nadasig sa pagtinguha sa akong ginagmay nga paagi mamahimo pud unta ako nga batobalani sa gugma maingon nga gihigop ako padung sa pag-amgo nga diha sa akong mga sakripisyo ug pag-antus ang Dios wala magpasagad kanako nga iyang gihigugma.