ENERO 10, 2015: Domingo sa Pagbunyag Sa Ginoo
Mga Pagbasa: Is. 42;1-4,6-7/Sal. 29/Buh.
10;34-38/Lk. 3;15-16,21-22
Ang pulong bunyag gikan sa Griyegong Pulong Baptisma nga nagpasabot og paghumol o immerse o pagbabad. Kini kay kaniadto ang si bisan kinsang bunyagan ang itunlob man sa tubig sama pananglit sa nahitabo sa atong Ginoo didto sa Suba sa Jordan sa dihang siya gibunyagan ni Juan Magbubunyag. Ang maong pagbunyag maoy pormal nga pagsugod sa iyang public ministry. Alang sa moral conversion ang bunyag ni Juan ug ang gipakita ni Jesus timailhan lamang sa iyang dakong tinguha I-ritualize ang iyang solidarity sa mga tawong kabus, dili lang sa mga bahanding material kondili usab sa mga espirituhanon nga panginahanglan labina kanila nga nahisalaag gumikan sa pagpakasala. Ang pangilin sa Pagbunyag sa Ginoo mao man ang ni-culminate sa Christmas Season, ang dayag nga pagpakita sa buhing kamatuoran sa Emmanuel. Nga ang Dios Uban ug nahimong usa kanato.