Nindot ni kun mahimo nang balaud. Kining balaudnon, gi-file ni Senador Bongbong Marcos nga maghatag og retirement benefits sa mga barangay officials. At least pag-recognize sa mga serbisyo nga gihalad sa mga opisyales sa barangay.
Ang qualified barangay captain makadawat og P100,000; mga sakop sa konseho, P80,000; ug P50,000, sa barangay treasurer ug secretary, barangay tanod, mga sakop sa Lupon ng Tagapamayapa, ug mga barangay health ug day care workers.
Initially, magkinahanglan ang gobyerno og P5.2 bilyones pagpatuman niini alang sa 1,849,232 ka mga incumbent barangay executives sa tibuok nasud.
Ang makadawat sa maong benefits, at least 60 ang edad ug nakaalagad sa barangay og siyam ka tuig pataas. Ang salapi kuhaon gikan sa mugnaon nga Barangay Retirement Fund.
* * *
"Poll surveys are not an accurate gauge of voters,"mao kini ang warning sa mga election watchdogs, sama sa Legal Network for Truthful Elections (Lente), National Movement for Free Elections (NAMFREL), ug Parish Pastoral Council for Responsible Voting (PPCRV), nga matud pa, kining maong mga survey, mga binayran "which costs millions of pesos."
Sa ato pa, dakung negosyo alang sa mga nagpasiugda niini, ug dili makiangayon kun kini maoy atong basihan sa pagbotar.
Duna kini silay mga kliyente, ang mogasto sa survey, ug natural kinahanglan ma-satisfied ang maong mga kliyente sa resulta sa survey.
"No matter how these poll firms insist that they are independent, when you have a client that pays millions of pesos for their services, of course that client has influence on the questions … not all surveys are 100 percent honest," nagkanayon si Ann Caritos, acting executive director sa Lente.
Sa iyang bahin, si Eric Alvia, secretary general sa Namfrel namahayag nga ang resulta sa mga survey, "should be seen as mere 'snapshots' of the preference of a group of people at a given point in time and would not necessarily reflect the overall decision of the electorate."
Bida sa no, unsay mahitabo sa atong nasud, kun ang resulta sa mga survey maoy atong basihan sa ato unyang pagbotar?
* * *
Ang United States Millennium Challenge Corporation (MCC) mipili pag-usab sa Pilipinas nga makadawat sa "second grant package for development assistance."
Matud ni Ambassador ngadto sa US, Jose Cuisia Jr., "the re-election of the Philippines for a second compact is a recognition of President Aquino's firm and continuing commitment to good governance."
Gumikan sa politika, wala ni makita sa mga kaatbang ni Aquino.