Sa Tabuelan ako kasamtangang nagpuyo samtang gihimo pa ang kumbento nako. Ang lektora nga nagduko duko ang mihikap-hikap sa basahon. Abi nako og may problema sa panan-aw kay tingali dili kaklaro apan human sa Misa akong nakita nga siya diay usa ka buta! Braille ang gigamit nga himan aron sa Misa makabasa. Mapahiyumon siya ug malipayon nga bisan pa man sa kahimtang, wala siya magdumili paghatag sa iyang kaugalingon alang sa kaalagaran sa uban ug sa simbahan. Nadasig ako sa iyang panig-ingnan ug unta sama niya mamahimo akong manggihatagon sa tanan, hagit ni nako ug hagit ni sa tanan.