Kaslunon nga wa tungaha sa pari nga mokasal ang nibati og tumang kaguol kay hikay nila naandam na man. Mao nga sa dihang dunay laing pari nga kanila nikasal ang amahan uban ang matinud-anong pahiyom ang mitunol sa baktin ngadto sa pari uban ang pag-ingon: Daghan kaayong salamat padre sa paggahin nimo og panahon ning kabus namong hangyo ug pangilaba!" Halawom kaayo ug dulot sa bukog ang gihimong pagpasalamat gumikan sa pagsawo sa schedule nga wala mapangandami sa pari nga gidapit. Dunay maanindot nga bunga usahay ang mga unexpected events dili tungod sa baktin kondili tungod sa pasalamat nga gihatag. Kini tungod kay ang kinabuhi, kinabuhi man sa pagpasalamat. Lisud man tuod usahay ang kinabuhi apan ang pagpasalamat uban ang gugma dako kaayo og kahimoan aron mamahimong makahuloganon ang tanan.