Linatin kini nga awit nga nagkahulogan og: Ang akong kalag nagadayeg sa Ginoo! Si Maria ang nagsaulog sa mga maayong butang nga iyang nadawat gikan sa Dios nga iyang magbubuhat. Kini tungod kay lagi ang mga babaye kaniadto ang wala may kaugalingong tingog nga manalipod sa ilang kaugalingon. Daw sama sila sa mga kabtangan lamang sa ilang katilingban. Ning panahon sa Pasko sa pagkatawo sa Ginoo tukmang panahon kini sa pagpamalandong ingon man ang pagpangutana sa atong kaugalingon nga bisan pa man diha sa kahagip-ot ato bang nakita ang nindot o ang bati ba hinuon nga tungod niini malisud alang nato ang pagsaulog.