Ang tanan, buot mag-usab ug buot mamahimong hingpit. Apan lagi diha sa atong pagkatawhanon, kita mahitumpawak sa sukad nga kita mismo ang naggambalay. Ning ikaduhang Domingo sa Adbiyento anaa si Juan Magbubunyag. Tawo siya nga naghatag sa tingog sa Moralidad. Sentro sa iyang pagsangyaw ang kabag-ohan sa kasingkasing ug tanlag. Ang nindot nga gasa alang sa Diosnong Bata, mao ang kabag-ohan sugod mismo sa atong kaugalingon.