Daghan ang mga nagkadaiyang matang sa pag-umol ang gilusad sa Simbahan sa pamasin nga mapukaw ang nahikatulog nga relihiyosong kaikag sa matag parokyano o magtutuo. Apan ang tanan mamahimong mapakgang diha sa atong dakong panginahanglan sa mga material nga butang nga usahay di mahimong mahatag sa simbahan. Di paigo ang pagtuo ug pag-ampo. Mas mahinungdanon ang pagpadayag ug pagpakita sa pagtuo pinaagi diha sa buhat. Diha sa paghimo nga makig-alayon sa hustong ahensiya nan, matabangan ang matag tawo nga motabang sa ilang kaugalingon aron mabuhi aron kun sila makatabang sa ilang kaugalingon, ug kun makatabang na sila nan, makatabang pud sila sa uban.