Ginaingon nga si Papa Francisco kun magwali ang wa kaayo magtamod og sinuwat nga pamalandong. Nahimo siyang spontaneous, nahimo siyang yano ug simplified kaayo ang iyang presentation. Ang tumong ug tuyo niya mao nga ang mga tawo makatugkad ug makasabot sa mensahe ug nga ila kining magamit diha sa ilang inadlaw nga pagkinabuhi. Timailhan kini nga mas mahinungdanon alang niya ang mensahe ug dili lang ang halawom nga teoriya o doktrina diha sa pagsangyaw sa maayong balita ngadto sa kinabag-an.