Dear Atty. Divine,
Upat kami ka magsuon, apan wala makasal ang among mga ginikanan. Ang among apohan mao na ang nagpadako kanamo ug wala gyud magsustento ang among amahan kay naminyo man sab siya og lain. Wa makaanak ang akong papa ug ang iyang asawa ug nakapanag-iya sila og mga properties. Ang among amahan ug ang iyang asawa nangamatay na ug ang pag-umangkon sa asawa sa among papa maoy nag-supervise sa ilang properties.
Ang akong pangutana, makapangayo ba kami og share sa kabilin sa among amahan ug sa iyang asawa? Duna bay katungod ang pag-umangkon sa iyang asawa sa maong kabilin? Duna bay katungod ang pag-umangkon sa pagbaligya niini? Daghang salamat.- JM
* * *
Dear JM,
Bisan kun kamo illegitimate kay wa man makasal ang inyong mga ginikanan, apan base sa balaod ang illegitimate children may katungod gihapon nga mo-inherit sa kabilin sa ilang amahan ug inahan. Buot ipasabot nga duna moy katungod nga mangayo og bahin sa kabilin sa inyong papa. Kay wala may legitimate nga mga anak ang imong papa so kamong mga illegitimate children ang maka-inherit sa iyang share.
Ang pag-umangkon sa asawa sa imong papa way katungod nga manghilabot sa share sa imong papa ug wala sab siyay katungod nga makabaligya sa bahin sa imong papa. Ang maayo ninyong buhaton mao ang pagpadala og demand letter sa pag-umangkon nga inyong kuhaon ang share sa imong papa or mopasaka mo og reklamo batok kaniya sa barangay ug kun magmagahe sa paghatag, then modangop na gyud mo sa korte. Thanks and God Bless. – Atty Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.