Usa sa mga kinaiya ni papa Francisco mao nga bisan pa man sa kahagip-ot sa iyang schedules, mogahin gyud siya og panahon sa pag-ampo ug pagduaw sa Santisimo Sakramento. Nahimo ni niyang kabahin sa iyang kinabuhi ang pag-ampo alang kaniya dili pakapin hinunoa kabahin sa kinabuhi nga angayang bansayon matag adlaw ug matag takna. Buot kitang mamahimong aktibo! Apan usahay diha sa atong pagka-aktibo nakalimtan nato nga atong palig-onon ang atong espirituhanong kinabuhi pinaagi sa pagpuyo sa kinabuhing maampoon.