Dili mawala ang kolesterol sa atong panglawas, ang gikinahanglan lang nga balanse kini, diin ang dautan nga kolesterol dili motaas (LDL), nga samtang ang maayong kolesterol di sab moubos ang lebel ini. Hain man ini ang dili normal sa mga lebel sa kolesterol, makabalda kini sa sistima sa sirkulasyon sa dugo.
Makapabara kini’ng mobagtok ang dugo sa kaugatan (bloodclot), nga magkagamay nga monipis ang mga agianan ini nga mao’y nakapataas sa presyur sa dugo. Nga sagad sab mao’y hinungdan sa pagkaparalisar ug atake sa hayblad ug kasingkasing. Busa di gyud magpatuyang sa pagkao’ng sebuhon o mantikaon.
Tungod ini, aron malikayan nga mabiktima aning sakita, aduna’y mga natural nga pang-alibyo sa taas og kolesterol, sama sa mga mosunod;
* Turmeric (dulaw) – ang naglabing ingrediyente ini’ng ‘curcumin’ maoy naghimo isip usa ka potensyal nga ‘antioxidant’ para ayuhon ang kadaut sa lawas. Pugngan ini ang sebu o kolesterol nga himuo’ng apdo o asido aron tunawon kini’ng ipagawas sa tinai. Timan-an lang ang paggamit ini dili molabaw sa 45mg.( mahimong bahinon kini sa tibuok adlaw ). Himoa’ng regular hangtud sa 8 ka semana, mous-os na ni’g 7 ka beses. Pwede sab magpabukal ka’g 3 ka baso tubig unya lundan og pipila ka dulaw, pahinayan sa kayo sud sa 15-20mins.
Dili kini maayo gamiton sa mga adunay problema sa ‘gallstones’, sa atay, ug sa mga ugat nga nagbutlog-butlog (bloodclot).
* Parsely – herbal kini’ng utanon, alang sa kahimsog sa kasingkasing. Nagbaton ni’g dagha’ng ‘folic acid’ ug uba’ng ‘antioxidant’, aron pagpaus-os sa dauta’ng kolesterol. Puwede nga usapon mo kini’ng lab-as. Ug mahimo sab ni iuban sa mga tingkaon, o pwede sab butanga’g tsa. Himoa ni maka 3-4 ka beses sa 1 ka adlaw.