Padung sa bag-ong nadestinohan ako nisaka sa bukid nga bagnot. Dala ang akong sundang sa hinayhinay gipamul-ongan ang mga kahoy ug mga sanga aron ang maong dapit mahawan na. Uban ang singot nakita na gyud ang kinatibuk-ang bayhon sa maong dapit. Kun ato kining itandi sa atong kaugalingong kinabuhi, atong makita nga ang kinabuhi, kinabuhi sa pakigbisog ug sa paglimpiyo sa atong kaugalingong mga sayop. Apan wala kini magpasabot nga tungod kay kita nasayop angayan kitang mahilansang niini. Daghan ang sagbot ug ang yawa maoy magdala sa binhi sa sagbot sa pagkadautan. Sa Spiritual Warfare mahinungdanon kaayo nga atong pul-ongan matag karon ug unya ang atong kaugalingong kasaypanan aron mogawas dili ang atong kangil-ad kondili ang atong kaugalingong kaanyag.