Kasagaran nga gamiton mao man ang command method nga pagabungaton uban ang gahum ug kusog gikan sa baba mismo sa usa ka exorcist.Apan gitataw man usab ni Fr. Jose Francisco Syquia ang Director sa Office of Exorcism sa Manila nga ang biktima kinahanglang manginlabot usab sa maong proseso. Mao nga kasagaran ang biktima ang kinahanglang mag-ampo pud alang sa iyang kaugalingon uban ang hugot nga pagtuo. Sa laing bahin mahimong imong gamiton ang visualization diha sa pag-facilitate sa kaayohan sa maong pasyente. Kun ang maong pasyente nakakita og mga diabolical apparitions ingon man mga horrific visions mahimong imo kining sudlan ingon nga kahigayonan sa pagtudlo nga ang Ginoo anaa mopakita ug si bisan kinsang dautan ang bation og kalisang sa presensiyang Diosnon. Paagi kini sa pag-build up og usa ka positive psychological conditioning ngadto sa biktima. Kay after all, ang Exorcism dili mahitungod sa yawa kondili mahitungod sa Diosnong Gugma... Ang gugma nga makaayo ug makaluwas.