Ang proseso kun ngano ang tawo mapanuwayan mao man kining mosunod: Infestation, Oppression ug Possession. Mahitabo kini kun ikaw anaa sa mga dapit nga nahimong nahugpaan sa mga dautan (imaginary man o dili). Sa akong kasinatian, mas dako ang posibilidad nga ang dapit nga gubot o samok mahimong contributor sa masinating depresyon sa tawo kang kansang kahiladman gubot nang daan. Gani ang phenomenological imprint magtug-an man sa kahiladman sa tawo nga hingtungdan. Ang pakighugoy-hugoy sa mga tawong dautan mahimong contributing factor kun nganong mahimong ma-internalize ni bisan kinsa nga nalambigit ang mga butang o pagtulon-ang dautan nga iyang nasagap mismo gikan sa iyang kuyog. Ning paagiha nahitabo ang infestation. Ug ang tawo nahimong contaminated sa bisan unsang yawan-on mamahimong siya usab kabahin na sa kultura ug sistema nga iya na sa yawa. Kini ang gitawag nilang contagion. Ug ang pinakamaayong lakang nga mahimo sa tawo mao gyud ang pagpalayo, pagpakigbatok sa bisan unsang gambalay nga yawan-on.