Segun sa mga eksperto, sama ni Corey B. Schular, functional medicine nutritionist sa Metabolic Treatment Center, nga ang naghinubra o pagpatuyang sa pagkaon, mosangpot gayud sa subra ang timbang sa lawas, nga maoy unang hinungdan sa kadaut nga maapektahan ang gana o kahimsog sa pagseks.
Kadtong nag-edad 30-60, nga nagbaton sa subra’ng timbang, nagdali sa pagkatiguwang nga nibahar na sa pagseks kay gihamok kanunay sa grabe’ng ‘stress’, kakulang sa nutreyens ug way gihimong ehersisyo. Dagha’ng nagpakisayud kun may milagro pa ba’ng remedyo apan matud pa – wala gyud gawas sa husto’ng pagkaon nga inubanan sa batakang kalihokan sa panglawas.
Apan ang mga eksperto nagkahiusa nga adunay litanya sa pagkaon nga makaluya o makapahinay sa ‘libido’ o gana sa pagseks. Busa sayri kini sama sa;
* Keso (cheese) – sagad kun kini gatas gikan sa baka nga gi-pack na ug anaa sa mga estante sa groserya, may sangkap na ni’ng gisambog nga ‘synthetic hormones’. Kay momenus ang prodaksyon sa ‘natural sex hormones’.
* Mint – ang kabugnaw niini (menthol) makapawagtang sa baho sa baba, apan kun ikaw lalake, ayaw ni gamita kay mopamenus ni sa gana sa pagseks.
* Corn flakes – sitsirya’ng mais ni’ng nga tam-is parat-parat nga pangsnak nato nga usahay sahogan pa’g gatas. Ang grabe’ng carbo’s niini nga moprodyus og asukar sa lawas, moresulta sa pagkahinay sa ‘sex libido’ sa hamag sa kama.
* Coffee – makapalahutay sa seks ang ‘caffeine’, apan kun na-adik kana sab niini, makapanerbiyos kini nga makapawagtang sa maayo nga ‘sex mood’. Magkaawop o mapawong ang kuryente nga mabatyag ang kalalim sa pagseks. Mas maayo nga maoy imnon ang mga ‘herbal coffee’ apan 1-2 ka tasa lang sa buntag ug hapon, ayaw na’s gabii kay magsiga ang mata mo nga mawa ang gana sa seks.