Unsa ba ni'ng depresyon? Usa kini ka sitwasyon o sintomas sa lawas, nga mora ka'g nawad-an sa kadasig. Nga kanunay nagtanga, kapoy o way gana sa paglihok, ug ang hunahuna naglatagaw sa kaluya tungod sa subra'ng kamingaw ug kalaay sa kinabuhi. Maputong ka ug nga ang mga mata, ingon sa walay nakita.
Ang mga eksperto, mirekomendar og mga alternatibo'ng alibyo para niini;
* 'Herbal supplements' — Sama sa 'St. John Wort, liboan na'ng katuigan ni'ng gigamit apan matud pa maayo lang ni sa di pa grabe ang depresyon. Ang 'Spirulina Filipina capsule' daku'g tabang ni, tungod sa 'phycocyanin', usa ka 'potent brain antioxidant' nga mopalig-on sa panghunahuna ug panglawas.
* 'Yoga o Meditation' — Pamalandong kini o usa ka ehersisyo, aron irelaks ang panghunahuna. Magyaka'ng nakatuyhad ang lawas ug nakabila'ng nakapiko ang tuhod nga nag-ikis ang batiis. Unya mopiyong ug moginhawa’g lawom nga pugngan unya igawas, balikbalika ni, hangtud mogaan na ang panghunahuna.
* 'Massage' — Pagmasahe kini sa ulo o tibuok lawas, aron marelaks ka'ng mawala ang kabug-at sa panghunahuna. Kinahanglan kanunay palihokon o tandogon ang kaugatan, aron makasud ang 'oxygen' nga naungot sa mga ugat, nga mao'y nakapaluya sa maayo'ng panghunahuna.
*'Guided imagery' — usa kini ka pakighinabi o komunikasyon sa hunahuna ug sa lawas, pinaagi sa pagtan-aw, paghikap, paghanggap ug pagtilaw. Mogawas ka nga sud-ongon ang palibot. Batyaga ang huyoho'y sa kainit o kabugnaw sa temperatura ug ingon man sab, batyaga ang tunob sa imong lapalapa. Paminawa usab ang kagahob sa kinaiyahan, aron mobalik ang imong kadasig sa kinabuhi.
Pagpahiamgo kini sa kaugalingon, aron ang kahimatngon mopukaw kanato, nga ang kinabuhi, bililhon kini'ng gihatag sa Kahitas-an, aron mabuhi'ng malipayon.