Padung ko sa seminaryo usa ka gabii niana kay makigtigom sa mga seminarista alang sa nagsingabot nga kasaulogan.
Ang Alumni Homecoming sa tanang mga nangagi sa Seminario Mayor de San Carlos apil na niini ang mga lay students. Tungod niini daghan ang gihisgotan kun unsaon paghimo ang gitawag natong Opening Salvo nga dili sab kaayo bug-at ug dili sab kaayo hasol. Tungod niini gihimo ang brain storming.
Daghan ang nihisgot mahitungod sa feria, videoke ug uban pa. Apan ang bottom line mao nga kinahanglang himoong enjoyable ang maong panagpundok. Ang balik-lantaw mahinungdanon kaayo aron sa ingon mamahimong makahuloganon ang imong panaw padung sa kinabuhi sa pagtubo. Imbes ma-focus kita sa atong bad memories mas maayo nga atong himoon ang pag-andam sa atong kaugalingon alang sa paghunahuna sa mga positibo nga mga bahin sa atong kagahapon. Ning paagiha makita nato ang bili ug pulos sa atong pagpakabuhi ning kalibutana.