MARSO 1, 2015: Ikaduhang Domingo sa kuwaresma
Mga Pagbasa: Gen. 22;1--2, 9a-10-13/Sal. 18/
Rom. 8;31b-34/Mt. 9;2-10
Ning Domingoha nahimong sentro ang mahimayaong pagkausab sa panagway sa atong Ginoo didto sa Bukid sa Tabor. Kuyog niya ang kapid-an sa iyang mga tinun-an ingon man anaa sila si Moises ug Elias nga nakighinabi kaniya. Ang unod sa ilang gipanagsultihan mao ang iyang umaabot nga kasakitan kon kalbaryo. Timaan nga ang maong hitabo gidasonan sa Balaod ug sa mga panagna sa mga propeta. Ang implikasyon niini mao nga diha sa atong panaw padung sa paghamtong sa pagtuo, dili nato makab-ot ang kahimayaan nga di moagi sa kasakitan. Ang Ginoo nisakripisyo ug gani namatay didto sa balabag sa Krus apan ang maong kamatayon niya dili man kaparotan hinunoa kadaugan. Gipukan niya ang gahom sa sala ug kamatayon aron kitang mga tawo mamahimong gawasnon.