Nganong ginganlan kinig milagrosong kahoy (miracle tree) sa atong mga eksperto nga hangtud karon padayon nag-eksperimento aron pagdiskubre kun ngano ug unsa gyuy dugang pang kaayohan ining maihatag sa atong panglawas.
*Ang bunga sa guyabano, adunay nutrisyonal nga benepisyo. Nagbaton ni og taas nga ‘carbohydrates’ o ‘ natural fructose’, mga bitamina C, B1 ug B2. Ang pagkaon sa bunga ini o pag-inom sa duga (juice), makaayo sad ni sa kidney o pagpaihi ug sa mga nagkalibang o wala kahilisi sa pagkaon.
*Ang paglaga sa pinulbos nga liso sa guyabano, makapaalibyo sa kalibang, pasmo sa kusog. Maayo sad ni nga itambal sa buhok nga may daghang lusa o kuto (headlice) ug mga bunhok o dugho (bedbugs).
* Ang paglaga sa dahon, magsilbi sad ning tranquilizer sa labad o sakit sa ulo. Maayo sad nis eczema/kagid o panghugas sa samad o pangatol. Sip-on o Alergy, mga plema, ayohon sad ini ang panakit sa artraytis, rayuma o mga lutahan.
*Ang paglaga sa panit sa punoan sa guyabano, makaayo sad sa dayabetes ug ubang panakit sa kalawasan. Apan gidili ni ipainom sa bata o mabdos o sa adunay sakit sa ‘Parkinsons’ o ‘Alzheimers’. Kay aduna ni makahilo nga sustansya (substance) nga ‘hydrocyanic acid’, nga mograbe ang kadaut sa memorya.