Sa nangaging lindog nato, maoy atong gihisgutan kun unsa kining uric acid. Mga 'purines' kining hugaw nga anaa sa atong dugo gikan sa atong mga gikaon. Ilabi na kadtong ampay kaayo ang karne ug mga seafoods, maong taas og uric.
Unya kun ugaling taas ka nag uric acid (Normal; male-3.4-7.0mg/dl/ female 2.4-6.0mg/dl)- mas maayo magpatsek-ap ayaw huwata mosakit. Dunay mga remedyo kini kun unsaun nga makontrol ang taas og uric acid, sama niini:
*Apple Cider Vinegar - Duna ni malic acid nga molimpiyo sa uric acid, isip 'natural detoxifier/cleanser'-1ka baso tubig butanga’g 1ka kutsarita - imna, 3xday.
*Lemonsito Juice - Bisa’g acidic ni apan makanormal ni sa uric acid tungod sa epekto sa 'alkaline' niini ug sa bitamina-C. Pagpuga’g 1 ka lemonsito sa 1ka baso nga init tubig, unya imna kini kada buntag sa wa pay sulod ang tiyan.
* Olive Oil (cold-compressed) - Maayo ni gamiton kay di madaut o mawala ang mga nutreyens (mu-fats/bitamina-E/antioxidants) bisag kini initon o iprito.
*Tubig - Panghugas o ibanlas ang mga hugaw sama sa uric acid, ipangihi ni kon moinum og 8-10 ka baso kapin sud sa usa ka adlaw. Apilan sad nimo og mga tubigon nga prutas sama sa melon o pakwan ug uban pa.
*Celery - Pagkaon ug panimplang mga halang sama sa sili espada o kulikot. Ayaw lang sad palabi niini kun may ulser/almoranas ka, kay makapasamot ni.