Bisan asa nga kultura anaa gyud ang mga hilisgutan kalabot sa mga espiritu ug sa unsang paagi nahimo silang naka-inpluwensiya sa atong kinabuhi. Gihimo ni Jesus ang usa ka Healing Miracle sa usa ka tawo nga dunay balatian dili lang pisikal kondili espirituwal usab. Kini ang hinungdan kun nganong iyang gihimo ang eksorsismo niadtong higayona diin daghanan usab sa iyang mga kritiko nga mibutang-butang kaniya nga suod ni Beelzebul ang prinsipe sa mga demonyo. Apan nagmadaugon ang Ginoo dili tungod kay kaabin siya sa dautan hinunoa, ang maong kadaugan timailhan nga dili mahitabo nga ang Gingharian sa Dios ang lupigon sa gingharian sa kangitngit. Exorcism is not about the Devil. It is about God's love and compassion. Dili buot sa Dios nga pakaulawan o sakiton hangtud sa hangtud ang iyang mga pinili. Ang Dios anaa kanunay kanato ug dili gyud mahitabo nga iya kitang pasagdan.