Halos tanang butang adunay tukma o haom nga sukdanan aron kini kapahimuslan nga adunay kapuslanan. Sama sa atong panglawas, aduna kini balance nga panginahanglan, aron mabatunan ang himsog nga panglawas.
Sama sa nutrisyon o mga pagkaon, importante kaayo kini sa lawas apan aduna kini sukdanan aron pagbalanse niini aron moepekto ang kahimsog sa lawas nato. Sagad ra ba ang anaa sa atong panghunahuna, malimtan ang mga mahinungdanon nga benepisyo diha sa atong gipangkaon.
Kay maoy gipasulabi ang kalami (delicious) ug ang pagbusog o ang pagtagbaw sa pagkaon bisan kini naghinubra na.Apan aduna pay nataligam-an nga kulang. Kini mao ang mopabalanse, nga kompleto sa nagkalainlaing mga sustansiya (nutritious). Kulang ta sa pagtagad niini nga ato lang permi gebalewala. Busa katingad-ang masakit man hinuon bisa’g busdik sa pagkaon.
Kinahanglang himuong giya ang piramide sa nutreyens sa pagkaon nga carbo-40%, protina-35% ug fat-25% = 1000-2000cal/day. Unya tun-an pud ang pagpreparar niini nga di mawagtang ang mga natural nga nutreyens kay kontaminado sa mga toksik nga kemikals, nga sagad kun di kita magmatngon niini mahimong makadaut gihapon kini sa atong panglawas.
Ayaw’g kalimot nga usa sa hinungdan nga masakit kita tungod kana sa tanang isulod sa atong tiyan o ginhawaan. Diin nagsagol ang mga subrang toksik ug makahilong pagkaon, nga nagpundo ang hugaw o dautang bakterya. Dugangan pa sa pagpasagad o wala sa oras nga sige’g kaon nga wala kahilisi. Wa nay kapasidad nga maepektibo ang sistima sa lawas aron kita mohimsog.