Temang nalambigit: Kalig-on, pagka-inahan
Giisip nga balaan ang baka sa karaang panahon ug gani ang mga Hindu sa India nagtahud ug nagtamod gihapon niini. Ang baka simbolo sa kalig-on. Kun kini ang nigawas nga imahen sa imong damgo posible nga ang imong subconscious ang nipahinumdom kanimo sa imong dakong tinguha nga mamahimong lig-on ug magpabiling lig-on taliwala sa mga kalisud. Simbolo usab kini sa gatas nga naghatag og kinabuhi ug sustansiya sa lawas. Usa kini ka maamomahong hagit alang kanimo nga tingali na-deprived sa pag-atiman sa imong mga significant others nga padayon nimong gipangita bisan pa man kun ikaw anaa na sa hingkod nga panuigon.