“Tabangi intawon mi sir Jun nga mahatag na ang hinabang gikan sa gobiyerno namong mga biktima sa bagyong Yolanda kay hangtod karon wala pa man gyud miabot ang gipasalig nga calamity fund sa ubang lungsod naa na man.”
Brgy Pakigne, Minglanilla, Cebu
“Reklamo lang ming nga molupyo diri sa Lower Pakigne sir Jun kay ang basura diri tagdugay man kuhaon nangabaho na intawon sakto man unta mi’g bayad matag tuig pero wala man tagda sa mga garbage collector.”
Brgy Pitogo, Consolacion, Cebu
“Palihog intawon mi’g kablit sa among mga opisyales diri kay wala man gyud sila pakabana sa mga sagunson nga kawat diri sa among lugar ang mga tanod way klarong roving ang katarungan wa kuno sila’y service nga unta daghan na kaayong nahitabo nga kawat diri way aksyon.”
Brgy Mantalongon, Dalaguete, Cebu
“Naunsa na man tawon ning among lugar sir Jun uy daghan na man kaayong tiggamitan og shabu bisag estudyante, sa miaging adlaw naay nasakpan pero nakaeskapo pero among mga opisyal sa barangay wa gyud pakabana.”
Brgy Tever, Minglanilla, Cebu
“Sir naghatag man og problema ning multicab diri kay diha ra man ipahimutang sa karsada delikado kaayo sa ubang mga sakyanan basin madasmag wala man ni atimana sa konsehal nga maoy in-charge ana.”
Brgy Mactan, Lapu-Lapu City
“Naghitak na man ang shabu diri sa may ibapu naay magtiayon nga niapil sa ilegal nga kalihokan pantalya lang nila ang tindahan pero sideline nila ang shabu kusog kaayo ilang umento bisag dili kaayo kusog halin sa ilang tindahan.”
Brgy Okoy, Sta Fe, Cebu
“Sir Jun nganong wala pa man ihatag ang calamity fund hapit na lang usa ka tuig sukad mahitabo ang bagyong Yolanda pero wala man pakabana ang mayor namo diri para matabangan mi’g nagub-an og mga panimay.”
Brgy Lamac, Consolacion, Cebu
“Naa mi silingan diri Sir ba kun mahubog kay dayon kuha sa iyang taas nga armas dayon mamusil bisag unsay makit-an labi na sa manok hiniktan ang among nakuyawan basin masaag ang bala adto igo sa tawo nga masuroy duol sa ilang balay.”
Brgy Uling, City Of Naga
“Sir Jun naay namaligya’g shabu diri dugay na man kaayo ni salig lang ni siya kay anak sa opisyal, mao siguro rason nganong hangtod karon wala pa ni dakpa nga baniog man kaayo ang ngalan aning tawhana.”
Brgy Pulangbato, Cebu City
“Diri sa sitio Dita kusog gihapon kaayo ang shabu bisan kun nadakpan na ang usa sa druglord diri maayo unta’g ang NBI 7 ang mo-raid diri kay para maklaro kay kun mga polis pilion ra man ang dakpon kato ra mang dili ilaha.”
Brgy Danlag, Consolacion, Cebu
“Sir Jun pirmi man gabasa ang karsada diri sa among lugar bisag way uwan kuyaw kaayo sa mangagi nga mga sakyanan labi nang motor wala man gyud magtagad ang mga opisyales namo sa barangay aning problemaha.”
Brgy Lawaan 3, Talisay City
“Daghan man mga balay diri nga ilegal nga nagkonek sa ilang kuryente kuyawan mi basin kalit lang mobuto unya usahay baho ra ba kaayo ang wire maayo unta’g susihon ni’g klaro diri sa taga VECO kay kuyawan mi sa sunog "
Alang sa inyong mga reklamo text lang sa 09071678643