Kita nga adunay mga mata nga makakita pa sa palibot, usahay gani mapandol ug magkalisud mahulog pa sa imburnal. Nakakita kana pero nadaut lang ang paminsar, nga nawala sa kaugalingong kabuot.
Tingali mas maayo pa ang buta kay makalakaw-lakaw pa sa daplin sa dalan ug unya molabang pa nga mabinantayon basin maligsan o kaha mahulog sa imburnal. Ang buta segurista sa lihok iyang gigamit ang sentido komon. Maminaw sa kisaw nga ilang mabatian. Sa atoa pa aduna sila’y diskarte pinaagi sa hunahuna ug mga interpretasyon sa panungog nga mabati nila.
Sama ni Helen Adams Keller, usa diay siya ka buta ug bungol pa gyud. Usa ka bantug nga amerikana nga magsusulat, political nga aktibista ug magtutudlo o lecturer. Siya ang unang buta nga bungol pa, nga nakatapos sa kurso nga Bachelors of Arts. Ang estorya ni Annie Sullivan nga maoy nagsakripisyo sa pagmatuto ni Keller, dili lalim ang dedikasyon sa pagtudlo niya nga halos wala pa kini nahibaloan mahitungod sa pagtabi ug pagsulat.
Kadtong sinulat ni Keller, ’The Miracle Worker’, napasundayag sa entablado
Ug nahimoan og pelikula. Siya’y naghingusog sa katungod sa mga babaye.
Katungod sa panarbaho ug uban pang mga kawsa. Sa 1920, katabang siya sa pagtukod sa American Civil Liberties Union (ACLU). Si Keller, kuyog si Sullivan, nakalibot gyud sa 39 ka mga nasud ug paborito kaayo sa mga haponanon.
Nahimamat usab niya ang mga president sa Amerika sa Manila ni, Grover Cleveland, Lyndon B. Johnson ug mga higala niya sila si Graham Bell, Charlie Chaplain, Mark Twain ug uban pang sikat nga mga personalidad.