Sa dihang gihimo nakong profile picture ang lungon (Mga 400,000$ ang balor niadto), daghang mga higala nako sa facebook ang nibadlong kanako kay lagi dili maayo ug ngil-ad alang kanila. Horror ra kuno ang akong motif. Kay lagi ang lungon simbolo man sa kamatayon ug dili lang kay sa kamatayon, simbolo kini sa reyalidad sa panagbulag nga mahitabo diha sa usa ka pamilya pinaagi sa proseso nga gitawag nila og kamatayon. Kini ang imong nakita sa damgo, aninawa kon kinsa ang anaa sulod sa lungon, ang imo bang kaugalingon? Ang mahal ba nimo sa kinabuhi? Ang imo bang kaaway? Nothing is permanent in this world except change matud pa nila. Kuyog niini ang dakong posibilidad sa kamatayon. Ang nindot ug praktikal nga himoon mao ang pagkondisyon sa atong hunahuna ug kasingkasing nga ang tanan dunay utlanan nga ang tanan dunay kaugalingong katapusan.