Kun buhaton ang pag-opera sa suso nga may tumor or kanser, nga nagkinahanglan kini og daghang radiyesyon (radiation) ang isulod sa suso. Napulo’g lima (15X) ka beses kini balikon, aron pagseguro nga hingpit na mawala o mapatay ang mga tumor o ang kanser nga selyula.
Tungod kay kini lang ang gituohan sa mga doctor nga makaalibyo aning sakita ang radiation therapy o ang chemotherapy. Apan karon adunay bag-ong teknohiya nga gitanyag, aron dili na magsige’g balikbalik nga magrabehan na hinoon ang lawas masunog sa ‘radiation’.
Kini mao ang “one-shot-therapy” o ang “intra-operative-radiation.” Kausa ra kini buhaton ang pagterapy, sa aktuwal mismo nga operasyon sa suso. Matud pa, daghan na ang nangaayo aning paagiha bisan pa man may pipila nga wala na mamaayo apan mas daku gihapon kini og natabang.
Apan giklaro nila nga kining “radiotherapy”, epektibo lamang kon ang kanser sa suso, sayo nga nadiskitahan diha sa pasyente. Hinoon bentaha ni kay dili na mabun-og sa sigi’g radiation, makadaut ni sa tutonlan, baga, ug kasingkasing. Mao gyu’y kalagmitan kon sige maigo sa epekto sa radiation.
Sa Germany, aduna nay 60 ka sentro, aning klaseha sa serbisyo. Maingon man usab sa United Kingdom, anaa nay 6 ka sentro niani. Ang Breakthrough Breast Cancer Senior Policy, nga si Sally Greenbrook, miingon nga usa kini ka maayong kaugmaran, kay momenus na man ang risgo.
Nga imbis mamaayo na, may lain na pod nga dautang epekto nga nakadaut sa kahimsog sa lawas.