Temang nalambigit: Kagawasan, kompetisyon
Kun ang duwa uban sa grupo o pundok ang nagkahulogan og teamwork ang duwa diin ikaw nag-inusara diha sa pakigsangka, ang nagdapit kanimo sa pag-abli sa imong salabutan diha sa imong tinguha nga makig-asdang alang sa usa ka kompetisyon o tigi. Apan sa maong tinguha nga ikaw makigtigi nakita ba nimo ang imong puhonan o ang imong alakanse? Kun maghisgot kita og puhonan o alakanse kini nagpasabot sa imong kaantigohan diha sa imong pag-atubang sa bisan unsang hagit sa imong kinabuhi. Tinuod, kulbahinam ang kompetisyon, apan ang pangutana mao: Andam ka na ba? o gikinahanglanon ba gyud ang kompetisyon aron lamang pagpakita sa imong katakus?