Nahitabo sa listahan sa “Napo-list†nga gituohan nga gi-sanitized o gilimpyohan na ug ang gipagawas mao na lang kadtong mga pangalang maoy gustong ipagawas makapaduda gyud sa katinuod sa maong listahan.
Gikan sa kapin singkwenta nahimo na lang kini karong tulo ka senador ug lima ka giingong kanhi mga magbabalaod. Karon, kinsa kaha kining tulo ka senador ug lima ka kanhi magbabalaod nga nabilin sa listahan.
Misibaw na og maayo ang pangalan nila ni Senador Juan Ponce Enrile Jr., Jinggoy Estrada ug Ramon Bong Revilla Jr. kay gani sila mismo ang nalakip sa labing unang gikasohan kabahin sa pork barrel scam ni Janet Lim-Napoles.
Ang Malacañang miingon nga kadtong mga listahan nga nanggawas gikan ni rehabilitation czar Panfilo “Ping†Lacson ug ang listahan gikan ni Benhur Luy way kapuslanan kung wa kini pirma gikan mismo ni Napoles nga mosaad nga iyang barugan ang iyang pamahayag.
Bugtong ang gikonsiderar karon sa Department of Justice nga listahan mao kadtong gitunol ni Napoles kang Justice Secretary Leila De Lima nga maoy gi-turnover ngadto sa Senate Blue Ribbon Committee.
Gawas sa Senado ug Ubos Balay Balauranan nga gilambigit sa pork barrel scam mas grabe pa ang nahitabo sa mga mayor nga giingong nakadawat usab og pundo gikan sa Malampaya Fund projects nga gipaagi gihapon sa mga bogus nga non-governmental organization ni Napoles.
Gikan sa nobenta’y siete ka mayor, bisan usa karon walay posibleng mapasakaan og kaso kanila human giingong misaad nga ilang suportahan si De Lima sa kandidatora niini sa pagka-senador. Gihimakak gyud dayon kini ni De Lima.
Kun ingon niini ang sistema sa anti-corruption campaign sa administrasyon ni Presidente Aquino di kalikayan nga dudahan ang kaligdong niini. Unsa pa kahay sunod nga mahitabo sa “Daang Matuwid†nga karong nagkaanam na kaduol ang 2016 Elections hinay-hinay naman nga nabawog padung og liko.