Babayeng bungoton

Daghang  mga babaye didto sa Uropa kinsa magpatubo og bigote o ba kaha bungot. Kining maong craze kon gikabuangan nga buhat sa mga babaye gibalita sa “Now,” usa ka tabloid nga bag-o pang mitumaw sa London.

* * *

Suma pa sa balita, kasagaran sa mga babayeng misunod sa maong craze o gikabuangang urog anaa sa pangidaron 20 anyos pataas ug medyo may pagkalakin-on.

* * *

Gibadlong kini sa mga “ladies upright societies” apan hinayhinay nga nakakuha’g mga sakop gikan sa pipila ka mga dapit nga ginganlan og “communal ditch.”

* * *

Usa sa pipila ka mga inilang miyembro sa maong bag-ong sosiyidad (new society) mao ang Austrian singer nga si Conchita Wurst kinsa nailhan sa Austrian-European entertainment circle nga “the bearded lady.”

* * *

Daghan ang mihimo kaniya nga ilang modelo. Apan naay mga pundok nga miila niya nga “rayna sa binuang pasyon (fashion).”

* * *

Ang mga babayeng magpabigote o magpabungot uso sa mga dapit sa mga hitano sa may bukirang pininsula sa Espana, suma pa sa tabloid nga Now.

* * *

SA LAING BAHIN ... Magpasalamat kita ngadto ni Andi Dimpas sa Spolarium St. kinsa maoy mitampo sa artikulo nga atong gigamit sa atong lindog karong isyuha.