Nahibawo ba mo nga, botanically speaking, ang bulak kon buwak -- sa Iningles flower--giila nga utan? Ug gani ang pipila niini pagalutuon sama sa common vegetables.
* * *
Ang labing common nga buwak nga lutuon isip utan mao ang broccoli ug cauliflower. Kini ato nang naandan nga kan-on diin kasagaran niini naa naapil sa linuto sa Insek nga chopsuey.
* * *
Laing mga buwak nga giilang mga utan o utanon mao ang sunflower, carnation, marigold ug dandelion. Sorry nga wa ta makakita’g kahulogan niini sa Binisaya.
* **
Kaniadto dihay kan-anan sa mga vegetarian sa may Fuente Osmeña diin maglutoan kini og sunflower ug gumamela salad. Wa na kining maong kan-anan diha sa may Fuente.
* **
Suma pa sa atong tinubdan ang mga giila tang buwak nga lutuon isip utan -- ug lain pa gyung mga matang sa buwak nga dili common dinhi sa ato -- mapalit sa mga kan-anan sa Mountain Province ug sa dakbayan sa Baguio diin daghang paagi ang pagluto niini.
* **
SA LAING BAHIN... Daghang salamat ngadto ni Dr. Amelia Sunico kinsa usa ka botanist nga mi-share kanato sa iyang nahibaw-an bahin sa “vegetable flowers.â€