Temang nalambigit niini: Katumanan sa pangandoy, paghatag og bili sa kaugalingong katakus
Nakadamgo ka ba diin ang tawo nga imong gitamod pag-ayo ug gihatagan og taas nga respeto ang nihatag kanimo og pag-uyon ingon man pahalipay gumikan sa imong nabuhat nga maayo? Kun mao, ang maong damgo nagpadayag lamang sa imong dakong tinguha ug panginahanglan nga matagad ug mahatagan og pag-uyon. Hinuon natural lamang kini ni bisan kinsang tawo. Ang matag usa ang nagkinahanglan nga kita pagadaygon sanglit makatabang man kini og dako aron mas mapalig-on pa nato ang atong pagsalig sa atong kaugalingong katakus.
Hinumdoman nato nga kining maong panginahanglan ang mahimong inspirasyon unta sa kadaghanan nga angayan natong higugmaon ang tawo dili lang tungod sa iyang nabuhat kun dili tungod usab sa iyang bili ingon nga tawo.